Debabarreneko Mugikortasun-Plana

LKS Consultores enpresak Debabarreneko mugikortasun-plan bat egin du, garraio-ohitura jasangarriak eta Debabarreneko herritarren beharrak aseko dituztenak bultzatzeko. SGSmap-ek azterketa geografikoko teknika eta tresnen erabileran duen esperientzia eta jakintza jarriz parte hartzen du proiektu horretan.

Lankidetza-esparru horretan, informazio grafiko eta alfanumeriko garrantzitsu guztia moldatu du SGSmap-ek, eta informazio-mailaka egituratutako datu-base bat sortu du. Ondoren, egindako azterketen irudikapen kartografikoa egin da, eta oinarrizko maparen gainean proiektatu dira azterketaren alderdirik garrantzitsuenak: biztanleen mugikortasuna, laginaren zonakatzea, lekualdatze-fluxuak, edukiera-mapak...